Հյուսիսային պողոտան երբեք այսքան մանկաշատ չէր եղել: Միանգամից կարելի էր կռահել, որ այսօր հունիսի մեկն է`Երեխաների պաշտպանության միջազգային օրը: Հյուսիսային պողոտայում անցկացվում էր «Երազանքների քաղաք» խորագրով միջոցառում-փառատոնը, որը կազմակերպված էր ՀՀ Սփյուռքի նախարարության և GMG մեդիա գրուպ ընկերության նախաձեռնությամբ: Պաշտոնական բացումը իրականացրեց ՀՀ Սփյուռքի նախարար Հրանուշ Հակոբյանը: Նա իր խոսքում երեխաներին ցանկացավ անհոգ մանկություն և ասաց, որ ամենագլխավոր բանը, որ պետք է ծնողները անեն, դա փոքրիկներին խաղաղ երկինք պարգևելն է , որպեսզի երեխաները կարողանան լավ սովորել և լավ մարդ դառնան: Միջոցառման շրջանակներում անցկացվեցին կրկեսային, տիկնիկային ներկայացումներ, ազգային, ժողովրդական երգ-երաժշտություն, պար և այլ մշակութային և սպորտային ծրագրեր: Ելույթ ունեցան նաև սիրիահայ դպրոցական երեխաները: Փառատոնին մասնակցում էին մանկական մի շարք ոլորտներ ներկայացնող ընկերություններ, որոնք հետաքրքիր անակնկալներ էին պատրաստել երեխաների համար: Ամենահետաքրքիրը «ցանկությունների» արկղն էր, ուր փոքրիկնեը իրենց երազանքների ու ցանկությունների մասին պատմող գրություններ էին գցում :
Օվսաննա Սիմոնյան
Կարդացեք նաև
