ՀՀ Վերահսկիչ պալատի (ՎՊ) նախագահ Իշխան Զաքարյանն այսօր հրապարակեց Հյուսիս-Հարավ ավտոմոբիլային ճանապարհի շինարարական աշխատանքների ընթացքում բացահայտած աղաղակող խախտումները:
Ծրագիրն իրականացնող «Իզոլյուքս Կորսան» կազմակերպությունն ու տեխնիկական աշխատանքները վերահսկող ֆրանսիական «Սաֆեշ» եւ «Էպտիա» կազմակերպությունները, պարոն Զաքարյանի խոսքերով, չեն կատարել իրենց լիազորությունները:
«Ճանապարհի այն հատվածը, որտեղ գրունտը պետք է չանցներ երեք սանտիմետրը, այլ պետք է պնդացվեր ու շարունակվեր շինարարությունը, չի արվել, խայտառակ վատ աշխատանք է տարվել: Շինարարության ձեւը, որ ընտրել են, խայտառակություն է, քարի կույտեր են նախատեսված երեք սանտիմետրի փոխարեն: Արձանագրել ենք, որ տեխնիկական վերահսկողություն իրականացնող ընկերությունը համաձայնագրի համաձայն չի կատարել իրեն վերապահված լիազորությունները: Ջրահեռացման վիճակը ահավոր է. Ջրահեռացում չեն արել, ջրագոյացում են իրականացրել»,-բացատրեց պարոն Զաքարյանը:
Աշտարակի կամրջի վերակառուցման աշխատանքներին անդրադառնալով՝ ասաց, որ այստեղ էլ են խախտումներ արձանագրվել. «Տեսնում ենք անորակ աշխատանք: Այս պարագայում էլ որեւէ մասնագիտական ուսումնասիրություն չի իրականացվել, անզեն աչքով տեսնում ենք անորակ աշխատանք»:
Կարդացեք նաև
Վերահսկիչ պալատը արձանագրված թերացումների մասին զեկուցել են ՀՀ նախագահին. «Արդյունքում ԾԻԳ տնօրենը ազատվել է աշխատանքից: Մեր պահանջով դադարեցվել է ամբողջ շինարարությունը, հատուկ մեքենաներ ենք բերել, որ նոր աշխատանք կատարվի»:
Պարոն Զաքարյանը հանդիպել է վերը նշված միջազգային կազմակերպությունների անդամներին ու թերացումների մասին նրանից տարբեր պատճառաբանություններ լսել: Մասնավորապես ասել են, թե վերահսկողություն իրականացնելու համար չունեն բավարար ուժեր «Հարց եմ դրել՝ ինչու վեց միլիոն դոլար շահած կազմակերպությունը չունի բավարար թվով հսկիչներ: Ըստ պայմանագրի պարտավոր են ապահովել շինհրապարակում ամենօրյա վերահսկողություն»:
Վերահսկիչ պալատը կառավարությանն առաջարկել է մեկ ամսյա ժամկետում շտկել իրավիճակը. «Չշտկելու դեպքում լուծարել պայմանագիրը եւ կնքել նոր մրցույթ»:
Արփինե ՍԻՄՈՆՅԱՆ
Ես հանոզված եմ,՝ որ ՀՀ Վերահսկիչ պալատի նախագահ պարոն Իշխան Զաքարյանին, մեր Հայ
Առաքելական եկեղեցու բոլոր կանոններով պետք է սրբացնեն՝ հենց նշված դեպքի առթիվ, քանի որ
նա ոչ թե բացահայտել, այլև զեկուցել է, մեր հանրապետության,՝ բոլորից ազնիվ նախագահին:
Այնպես որ կեցցե՝ ,,Դեպի ավելի ապահով Հայաստանը,, թրպետ ավելի ապահով Հայաստան քան
գոյություն ունի,՝ ուղղակի բնության մեջ չի լինում: