Խաղային ատրակցիոններ ու մարզասարքեր` «Երեխաների աջակցության կենտրոնին»
Հունիս 01,2013 13:44
Երեւանի քաղաքապետ Տարոն Մարգարյանի նախաձեռնությամբ երեխաների պաշտպանության միջազգային օրը անակնկալ է մատուցվել Հայ օգնության ֆոնդի «Երեխաների աջակցության կենտրոնի» սաներին: Կենտրոնի բակում տեղադրված խաղային ատրակցիոններն ու մարզասարքերը քաղաքապետի խոստացված նվերն էր, որոնք լրացնում են մանուկների տոնական ուրախ տրամադրությունը:
Քաղաքապետարանի տեղեկատվության եւ հասարակայնության հետ կապերի վարչության հետ զրույցում կենտրոնի գործադիր տնօրեն Միրա Անտոնյանն ընգծել է, որ խաղերն ու մարզասարքերը կարեւոր են տարիքային բոլոր խմբերի երեխաների մարզական առօրյայի լիարժեք կազմակերպման համար:
Երեխաները իրենց հերթին ոգեւորությամբ նշել են, որ ամեն առավոտ սիրով կմարզվեն` առողջ եւ ամրակազմ լինելու համար: «Երեւան ջուր» ընկերությունն էլ կենտրոնի վերանորոգված մասնաշենքին նվիրաբերել է գունագեղ փափուկ գույք:
Օրվա առթիվ կենտրոնի բակում կազմակերպված տոնական միջոցառման շրջանակում երեխաները կավճանկարչությամբ են զբաղվել, նաեւ ցուցադրել իրենց ձեռքի աշխատանքները:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
