«Ո՞նց կարող ա լինեմ, էս անտերի տեղը կարո՞ղ ա լավ լինի»,- ասում է Ավանի հոգեբուժարանում փակված Ամալյա Նազարեթյանը։
Դատարանի վճռով մանկավարժ կինը ճանաչվել է ագրեսիվ։ Խոսում է հանգիստ եւ ցածր։ Պատրաստ է պատմել ամեն ինչ, այն մասին, թե ինչպես է ոստիկանությունն իրեն խաբեությամբ բերել հոգեբուժարան, ինչու են ինչ-որ մարդիկ փորձում խլել իր բնակարանը
«Տունս եկել ա ոստիկանը, սկորիի բժիշկը եկել էին, նստան խոսացին, ինչ արեցին, ասին՝ ոչ մի բան չունի, սրան ինչ կարող ենք ասենք, ոչ մի բան»,- շարունակում է նա։
Չնայած դրան, ոստիկանները նրան նստեցրել են Շտապօգնության մեքենան, չեն ասել, թե ուր են տանում, ճանապարհին ոստիկաններն իջել են իսկ մեքենան նրան բերել է Ավանի հոգեբուժական կլինիկա։ Տեղ հասնելուց որոշ ժամանակ հետո տիկնոջ պատմելով, աշխատողներից մեկը իր մոտից վերցրել է 5 հազար դրամ, որը ետ վերադարձնելու փորձից հետո հոգեբուժարանի 4 աշխատակից նրան բռնությամբ պառկեցրել է գետին եւ ծեծել. «Մեկը աչքիս ա խփում, մեկը գլխիս ա խփում, մեկը մազերս ա պոկում, մեկը շորերս ա վրայիցս ինչ անում»։
Կարդացեք նաև
Հոգեբուժարանում հայտնվելու պատճառն, ըստ մանկավարժ կնոջ, այն է, որ ինքը տարբեր ատյաններին մի քանի տարի բողոքել է, թե «Կոմիտաս» սրճարանի տերն իրեն անհանգստացնում է։
Մանրամասները՝ այստեղ:
