«Փյու» հետազոտական կենտրոնի կողմից հրապարակված զեկույցի համաձայն, Միացյալ Նահանգներում նկատվել է զգալի փոփոխություն՝ ընտանիքների ապրուստն ապահովող անձի առումով:
Այսպես, երկրում հինգ տասնամյակ առաջ երեխաներ ունեցող կանանց ընդամենը 11 տոկոսն էր ապահովում ընտանիքի ֆինանսական կարիքները, հաղորդում է «Ամերիկայի ձայնը»:
Հետազոտական կենտրոնի կողմից հրապարակված զեկույցի արդյունքները վկայում են այն մասին, որ ընտանիքի ապրուստն ապահովում է միայնակ մայրերի գրեթե երկու երրորդը: Իրենց ամուսիններից ավելի շատ գումար վաստակող ամուսնացած մայրերի թիվն այս ընթացքում կազմել է աշխատող կանանց մոտ մեկ երրորդը:
Հետազոտողների համաձայն, նման փոփոխությանը նպաստել են մարդագրական ոլորտում գրանցված փոփոխությունները: Ամերիկայում բակալավրի կոչում ունեցող կանանց թիվն այժմ գերազանցում է նույն կոչումն ունեցող տղամարդկանց թիվը, կանայք կազմում են նաև ԱՄՆ-ի աշխատուժի գրեթե կեսը:
