«Մի տարի անընդհատ ընտրական պրոցեսից հետո դադարը նորմալ է: Բոլորը հոգնել էին`եւ ընտրողները, եւ ընտրվողները: Բացի այդ, նաեւ նախագահական ընտրություններից հետո ընդդիմությունը քաղաքապետի ընտրություններում բավականին անհաջող հանդես եկավ: Կարծում եմ, իրենց ժամանակ է պետք վերլուծելու եւ նոր մոտեցումներով հանդես գալու համար»,- այսօր «Իրատես դե ֆակտո» մամուլի ակումբում հետընտրական Հայաստանի ներքաղաքական զարգացումների մասին խոսելով՝ ասաց ՀՀ ԱԺ ՀՀԿ խմբակցության պատգամավոր Համլետ Հարությունյանը:
Ըստ բանախոսի, միասնական ընդդիմություն այսօր որպես այդպիսին Հայաստանում չկա. «Դա ամենամեծ խնդիրն է ոչ միայն ընդդիմադիր դաշտի, այլ նաեւ երկրի համար: Երկրի զարգացման գրավականներից մեկն էլ հզոր ընդդիմադիր ուժ ունենալն է»:
Լրագրողներից մեկը հետաքրքրվեց, թե բանախոսի կարծիքով՝ Րաֆֆի Հովհանիսյանն է՞լ աշնանը կակտիվանա, թե՞ բավարարվեց այն ամենով, ինչ-որ ստացավ ընտրությունների արդյունքում: «Րաֆֆի Հովհաննիսյա՞նն ով ա, որ ես իմանամ ուրա եւ ինչով ա զբաղված: Րաֆֆի Հովհանիսյանն ինքն իրանից գլուխ չի հանում. մեկ Մոսկվայա, մեկ Ամերիկայա… իրան հարցրեք»:
Նելլի ԳՐԻԳՈՐՅԱՆ
Նման արտահայտություններ կարող են թույլ տալ՝ կեղծ Նժդեհականները և թաղի խուժանը, որոնք էլ
կանգնած են նրանց թիկունքին: