Հանրային ծառայությունները կարգավորող հանձնաժողովում մինչ քննարկում են գազի սակագնի բարձրացման հարցը, հանձնաժողովի դիմաց քաղաքացիները շարունակում են բողոքել գների սպասվող բարձրացումից:
«Գազի գները բարձրանում են, իսկ աշխատավարձը, թոշակները ցածր են: Մարդկանց վիճակը գնալով վատանում է: Ապրելակերպ չկա, ամբողջ ձմեռը ո՞վ պետք է էդքան մարդկանց թաղի, բոլորը կցրտահարվեն կմեռնեն: Չի բավականացնում ոչ թոշակը, ոչ աշխատավարձը: Կառավարությունն ինչքան էլ սուբսիդավորի: Չի կարելի մարդկանց դնել սենց ռամկեքի մեջ ու սեղմել եւ ոչ մի անգամ չմտածել ժողովրդի մասին»,- Aravot.am-ի հետ զրույցում դժգոհեց Աիդա Ադամյանը:
Կառավարության 30% սուբսիդավորման նախաձեռնությունը քաղաքացիներին չի գոհացնում: Քաղաքացիներից մեկն էլ շարունակեց. «Պետք չի էդ սուբսիդավորումը: Վերջում էլի մենք չե՞նք մուծելու, որտեղի՞ց են տալու: Էլի իրենց մարդկանց կգցեն սոցիալապես անապահով մարդկանց մեջ իրենք հաստատ սոցիալապես անապահովի մեջ կընկնեն ու կօգտվեն գազի սուբսիդավորումից, մեղք են: Ինչքան իշխանությունը կարողացանք փոխել, ինչքան կարողացանք ավագանու ընտրություններին մասնակցել, այնպես էլ հիմա գազի գին կփոխենք, մասսան դարձել է ոչնչություն: Իշխանությունը մաֆիոզ իշխանություն է ջարդում, փշրում է»:
Այս քաղաքացու տեսակետին, թե մասսան ոչնչություն է, հակադարձեց մեկ այլ քաղաքացի. «Ես ոչինչ չեմ»:
Կարդացեք նաև
Մանրամասները տեսանյութում
Արփինե ՍԻՄՈՆՅԱՆ
