Այսօր «Հայելի» ակումբում ժողովրդագետ Ռուբեն Եգանյանը խոսելով արտագաղթի թվերից, ներկայացրեց դրա իրական պատկերը, միտումները:
«Թվերը շատ մտահոգիչ են, մենք մոտավոր պատկերացում ունենք դրա մասին:
Հույս ունեմ, որ մինչեւ այս տարվա ավարտը կունենանք լիաժեք տեղեկատվություն այն մասին, թե ինչ փոփոխություններ են կատարվել միգրացիոն գործընթացներում»:
Եգանյանը նշեց, որ տարեկան միջին հաշվով Հայաստանից մեկնել ու չի վերադարձել 32 հազար մարդ` այսինքն բնակչության մեկ տոկոսը, իսկ տասը տարում ունեցել ենք բնակչության տասը տոկոս կորուստ. «Սա սարսափելի է մեր նման փոքր պետության համար»:
Կարդացեք նաև
Եգանյանը նաեւ հայտնեց, որ վիճվարչության տվյալները երեսուն անգամ սխալ են:
Բանախոսի փոխանցմամբ իրենց իրականացրած հարցումների ժամանակ երկրից մեկնողներն որպես պատճառ նշել են` աշխատատեղերի բացակայությունը, ապա այն, որ աշխատանքը հնարավորություն չի տալիս արժանավայել ապրել, նաեւ մասնագիտական աշխատանքիի բացակայությունը, սոցիալ-հոգեբանական խնդիրները:
Եգանյանը գտնում է, որ մեր վերարտադրական ներուժը ցածր մակարդակի վրա է, ծնելիության մակարդակը երկու անգամից ավելի նվազել է, ամուսնությունները նույնպես:
«Առաջիկա հինգ-յոթը տարիների ընթացքում մեզ մոտ մահացածների թիվը կսկսի գերազանցել»,- հավելեց Եգանյանն, որի խսքով Հայաստանից մեկնողների գերակշիռ մասը գնում է Ռուսաստան, ինչն, ըստ նրա, պայմանավորված է գուցե այլընտրանքի բացակայության պատճառով, երկրորդ տեղում Ուկրաինան է, ապա եվրոպական երկրներն եւ Ամերիկայի Միացյալ Նահանգները:
Եվա ՀԱԿՈԲՅԱՆ
