Հատված ՀՀ կրթության եւ գիտության նախարար Արմեն Աշոտյանի հարցազրույցից:
– Համատարած թանկացումները չեն շրջանցելու բուհերը։ Բացատրություններ կա՞ն՝ ինչո՞ւ։
– ՀՀ պետական բարձրագույն հաստատությունները շուրջ 4 տարի չեն բարձրացրել ուսման վարձերը։ Շատ բան է թանկացել մեր երկրում, եւ կրթությունը թանկ հաճույք է նույնպես։ 4 տարվա ընթացքում մեզ՝ բուհերի ղեկավարությունների հետ միասին, հաջողվում էր զսպել թանկացումները, բայց այս փուլում մենք բնական ենք համարում, որ ուսման վարձերի վերանայման գործրնթաց է ընթանում։ Այն տարածվելու է միայն այս տարի ընդունվողների վրա, նախորդ տարիների ընդունվածները շարունակելու են վճարել այնպես, ինչպես վճարել են։
– Իսկ վերանայման գործընթացի արդյունքում ուսման վարձերը շա՞տ են թանկանալու։
Կարդացեք նաև
– 20-100 հագար դրամ է լինելու տարբերությունը՝ ըստ ֆակուլտետների։ ՀՀ օրենսդրության համաձայն՝ բուհերն են որոշում իրենց ուսման վարձերը եւ կարող են ընդհանրապես նախարարության հետ չճշտել։ Բնականաբար մենք միաժամանակ պետք է լուծենք բարձրագույն կրթության մատչելիության հարցը, որովհետեւ սոցիալապես անապահով ընտանիքների երեխաներն արդեն ստանում են մինչեւ 100 տոկոս զեղչ, վերանայվելու է ուսանողական զեղչերի համակարգը, ընդլայնվելու է պետական նպատակային օգնությունը այն ուսանողներին, որոնք ունեն լավ առաջադիմություն, բայց սոցիալապես անապահով ընտանիքներից են։
– Իսկ գոնե դասախոսների աշխատավարձը կբարձրանա՞։
– Զուգահեռ պրոցեսներ են։ Պետք է լինեն կրճատումներ եւ դասախոսների աշխատավարձերի բարձրացում։
– Բոլո՞ր բուհերն են որոշել թանկացնել ուսման վարձերը, թե՞ ոչ։
– Բուհերն են որոշելու, հիմա չեմ կարող ասել՝ արդյո՞ք բոլոր բուհերը կորոշեն սեպտեմբերից գնալ թանկացումների, թե ոչ։
– Այս պահին ո՞ր բուհերն են համապատասխան հայտ ներկայացրել։
– Այս պահին հայտեր են ներկայացրել Երեւանի պետական համալսարանը, ճարտարապետաշինարարական համալսարանը, Տնտեսագիտական համալսարանը, Բժշկական համալսարանը, որը միայն արտասահմանցիների համար է բարձրացնելու։ Մի խոսքով՝ բուհերի ֆինանսական կայունության եւ զարգացման խնդիր ունենք, աշխատավարձերի բարձրացման խնդիր ունենք, եւ սա ակնհայտ է։
Գոհար ՎԵԶԻՐՅԱՆ
Հոդվածն ամբողջությամբ կարող եք կարդալ «Չորրորդ ինքնիշխանություն» թերթի այսօրվա համարում
