Այսօր Գրողների միության գրախանությում կարելի է ձեռք բերել սփյուռքահայ գրող, արձակագիր եւ նախկին գործարար Վահան Զանոյանի ստորագրությամբ՝ «Հեռավոր մի տեղ» վեպը: Հասույթը հեղինակը ուղղելու է որոշ կազմակերպությունների, ինչպես նաեւ թրաֆիքինգի զոհ դարձած կանանց առողջական եւ հոգեբանական վերականգնմանը եւ «Օրրանին»: Վեպի համար աղբյուր է եղել հետաքննող լրագրող Էդիկ Բաղդասարյանի «Անապատի գիշերներ» վավերագրական շարքը եւ Դուբայում Զանոյանին հանդիպած հայ կանանց զրույցները, որոնց անունները հեղինակը վեպում փոխել է:
Վահան Զանոյանի վեպի գլխավոր հերոսուհին գյուղացի մի աղջիկ է՝ 16-ամյա Լարա Գալյանը, որը բռնությամբ հայտնվում է Մոսկվայում, ապա Դուբայում վաճառվում մի մեծահարուստի՝ համալրելով նրա հարեմը:
Պարոն Զանոյանն ասում է, որ Դուբայում թրաֆիքինգի զոհ դարձած իրեն հանդիպած ամենաերիտասարդ հայուհին 17 տարեկան էր, ու այնտեղ «աշխատում» էր 16 տարեկանից:
Հեղինակը մտադիր է գրքի հիման վրա ֆիլմ նկարել: «Հեռավոր մի տեղ» վեպը անգլերեն տարբերակ ունի, նախատեսված է այն թարգմանել նաեւ արաբերեն եւ տարածել Միջին Արեւելքում:
Մանրամասները՝ վաղվա տպագիր «Առավոտում»:
Գոհար ՀԱԿՈԲՅԱՆ
