Այսօր Գյումրու վագոնային-վերանորոգման դեպոյի հանդիսավոր բացման ժամանակ այստեղ աշխատող մի քանի բանվորներ, մոտենալով մեզ, դժգոհեցին իրենց աշխատավարձի չափից: Ըստ նրանց, իրենց աշխատեցնում են ստրուկի պես, ամբողջ օրը մրի ու կեղտի, իսկ ձմռանը ձյան հետ են կռիվ տալիս, սակայն ապրուստի տարրական միջոցն անգամ չեն հայթայթում:
«Մեզ մոտ աշխատավարձերը տարբեր են, չոր ատկլատ է`առանց ստանդարտ աշխատավարձի, սաղ ռուսներն են որոշողը: Ճիշտ է, ռեմոնտ արեցին, մեծ փոփոխություններ եղան հիմնարկում, բայց սա իրենով վտանգավոր աշխատանք է, մի քիչ էլ թող մեր աշխատավարձի մասին մտածեն: Ռուսը Հայաստանի համար գազը թանկացնում է, ստիպում է, որ լույսը թանկանա, բայց աշխատավարձ չի բարձրացնում, սա վերաբերմունք չէ, թող ռուսը գա, մի քանի օր Հայաստանում, հատկապես Գյումրիում ապրի, նոր կհասկանա, թե կյանքը ինչ դժվար է: Չեն թողնում անգամ ղեկավարին մոտենաս, որ ասես, էս գազի թանկացման պայմաններում, հարգելիս, մի քիչ էլ մարդ ենք, մեր մասին մտածի», -դժգոհեցին բանվորները:
Լրագրողները ՀՀ վարչապետ Տիգրան Սարգսյանի ու Մոսկվայից ժամանած «Ռուսական երկաթուղիներ» ԲԲԸ նախագահ Վլադիմիր Յակունինի համատեղ ճեպազրույցի ժամանակ հետաքրքրվեցին, թե ինչո՞ւ աշխատավարձերը չեն բարձացնում, ինչո՞ւ են այդպես դժգոհ երկաթուղայինները: Վարչապետն ասաց, որ աշխատավարձի չափի վերանայում պարտադիր լինելու է, այդպես է խոստացել ռուսական կողմը, իսկ Վլադիմիր Յակունինը հպարտորեն հայտարարեց, որ իրենց մոտ աշխատավարձը 43 տոկոսով բարձր է հայաստանյան միջին աշխատավարձից եւ հարց տվեց` դա ցա՞ ծր է, այնուհետ իր հարցին պատասխանեց, թե ամեն ինչ չափվում է համեմատության մեջ:
Նրանց հեռանալուց հետո բանվորները չէին կարող թաքցնել զարմանքը` հայտարարելով, որ իրենց մոտ նույնիսկ 50-60 հազար դրամ աշխատավարձ ստացող կա: Պաշտոնյաների ճեպազրույցի ընթացքում հարց հնչեց նա եւ Հայաստան-Իրան երկաթուղու գործարկման մասին:
Կարդացեք նաև
Ճեպազրույցն ամբողջությամբ՝ լսեք այստեղ:
[soundcloud url=”https://api.soundcloud.com/tracks/94344173″ params=”” width=” 100%” height=”166″ iframe=”true” /]
Նունե ԱՐԵՎՇԱՏՅԱՆ
