Միշոյի, Սերժոյի, Ռոլանդ Գասպարյանի, A.Chilla-ի և Ֆելիքս Խաչատրյանի «Մի քանի հոգի» կոչվող համատեղ նախագծի առաջին տեսահոլովակն արդեն համացանցում է: Երգը կոչվում է «Ճանապարհ», երաժշտության հեղինակը Սերժոն է: Youtube-ում տեղադրելուց ժամեր անց արդեն դիտումների նկատելի աճ էր գրանցվել, տեսահոլովակն արդեն դիտվել է 2000-ից ավելի անգամներ:
Նախագծի ֆեյսբուքյան էջում ևս տեղադրվել է տեսահոլովակը. «Ահա եւ մեր առաջին տեսահոլովակը. Շնորհավոր բոլորիս»- գրված էր մեկնաբանության մեջ: Դրան հետևել են դրական կարծիքներն ու շնորհավորանքները. «Ահա, այ էս ուրիշ)) ջան, ապրեք, մերսի))) շնորհավոր բոլորիս», «Բրավո տղաներ, սիրում եմ ձեզ բոլորիդ», «Միշտ սև ու սպիտակի մեջ», «Ամենալավ պահը վերջին վայրկյաններն են՝ Ռոլ-ը մագով Redemption Song լսելով», «Իսկապես շատ լավ գործ էր»…
Նշեմ, որ տեսահոլովակի նկարահանման օրերին պարբերաբար «Մի քանի հոգի» անվամբ ֆեյսբուքյան էջում տեղադրվում էին լուսանկարներ նկարահանման հրապարակից ու նորություններ էին հայտնում աշխատանքների ընթացքի մասին: Մեկնաբանություններից կարելի էր ենթադրել, որ տեսահոլովակն իսկապես սպասված էր նախագծի երկրպագուների կողմից:
Կարդացեք նաև
Ստորև կարող եք դիտել տեսահոլովակը.
Տիգրանուհի Թասլակյան
