Շենգավիթ վարչական շրջանի ընդհանուր իրավասության դատարանում, դատավոր Ալեքսանդր Ազարյանի նախագահությամբ, շարունակվում է Ռոբերտ Քոչարյանի եւ Լեւոն Մուշեղյանի դեմ հարուցված քրեական գործի դատաքննությունը:
Մոտ քսան դատական նիստ է տեղի ունեցել Ներքին Չարբախի բնակիչների գործով:
Մեղադրանքը դատարանում պաշտպանում է համայնքի դատախազ Անդրանիկ Մանուկյանը: Ըստ մեղադրանքի կողմի, հողակտորի մոտ շինարարական աշխատանքների հետ կապված վիճաբանություն է տեղի ունեցել: Ռոբերտ Քոչարյանը Լեւոնին պատճառել է միջին ծանրության մարմնական վնասվածքներ առողջության տեւական քայքայումով` բռունցքով հարվածելով դեմքին, կոպերին, քթին, գանգուղեղային վնասվածք, իսկ Լեւոն Մուշեղյանն էլ, ըստ մեղադրանքի կողմի, բռունցքով հարվածելով Ռոբերտ Քոչարյանին, նրան պատճառել է թեթեւ վնասվածքներ: Քոչարյանը ստացել էր քթի կոտրվածք` առողջության կարճատեւ քայքայումով:
Չարբախցիների նկատմամբ խափանման միջոց էր ընտրվել ստորագրություն` քաղաքից չբացակայելու մասին:
Կարդացեք նաև
Պաշտպանական կողմը ներկայացնում են ՀՀ փաստաբանների պալատի անդամ Մամիկոն Մանուկյանն ու հանրային պաշտպանի գրասենյակի փաստաբան Գուրգեն Մադոյանը:
Դատական հաջորդ նիստը նշանակվել է վաղը:
