«Հայաստանն ու Ադրբեջանն ամենաակտիվն են արձագանքել Վրաստանի ներքին գործերի նախկին նախարար Վանո Մերաբիշվիլիի ձերբակալության փաստին»,- ասել է կովկասյան հարցերով վրացի փորձագետ Մամուկա Արեշիձեն՝ «Կվիրիս Պալիտրա» թերթին տված հարցազրույցում: Հայտնում է «Ռեգնում» լրատվական գործակալությունը:
«Ինձ զարմացրել է, որ « Միասնական ազգային շարժման» գլխավոր քարտուղարի ձերբակալության փաստին ամենաակտիվն արձագանքել են Հայաստանն ու Ադրբեջանը», – ասել է Արեշիձեն, – Սակայն հետո ես հասկացա, թե ինչ խորը կապեր ուներ Մերաբիշվիլին այդ երկրների հետ: Չի բացառվում, որ Մերաբիշվիլին հայկական և ադրբեջանական քաղաքական վերնախավերի հետ ներգրավված է եղել բիզնես ծրագրերում»:
Ըստ Արեշիձեի, Վրաստանի կառավարությունը Մերաբիշվիլիին ձերբակալելու համար լուրջ փաստարկներ է ներկայացրել Արևմուտքին, հակառակ դեպքում, արևմտյան երկրների արձագանքը ավելի կոշտ կլիներ:
«Միասնական ազգային շարժում» կուսակցության գլխավոր քարտուղարը ձերբակալվել է մայիսի 21-ին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
