Ո՞րն էր մայիսյան հերոսամարտերի խորհուրդը հարցին՝ Երեւանի պետական համալսարանի պատմության ֆակուլտետի դեկան Էդիկ Մինասյանն այսօր «Տեսակետ» ակումբում այսպիսի պատասխան տվեց.
«Առաջին ամենկարեւոր պատմական դասն եւ խորհուրդն այն էր, որ այդ հերոսամարտը իսկապես գոյամարտ էր, այսինքն՝ մեր հողի վրա գոյությունը պահպանելու իրավունքի վերանվաճման պայքար էր: Իսկապես գոյամարտ էր: Հայ ժողովրդի հայրենական մեծ պատերազմն էր դա: Այստեղ դասակարգային որեւէ խտրականություն չկար, կուսակցական որեւէ պատկանելիության խնդիր նույնպես չկար: Ժողովուրդն ոգեւորված, մի բռունցք դարձած՝ կռվի դուրս եկավ թշնամու դեմ, որովեհետեւ դա օրհասական պատերազմ էր»:
Խոսելով առաջին հանրապետության առաջին վարչապետ Հովհաննես Քաջազնունու մասին Է. Մինասյանը նկատեց, որ առաջին հանրապետության քաղաքական գործիչներն իսկական նվիրյալներ էին:
Նրա խոսքով՝ առաջին հանրապետության վարչապետ Հովհաննես Քաջազնունին Ամերիկա մեկնելու եւ առաջին հանրապետության համար օգնություն ստանալու համար ստիպված է եղել վաճառել իր վերարկուն, որպեսզի ինքնաթիռի տոմս գնի, իսկ առաջին հանրապետության երրորդ վարչապետ Համո Օհանջանյանի որդին զոհվել է Ղարաքիլիսայի ճակատամարտում:
Կարդացեք նաև
Aravot.am-ը պարոն Մինասյանից հետաքրքրվեց, թե արդյոք երրորդ հանրապետության այժմյան քաղաքական գործիչների շարքերում կա՞ն նման նվիրյալներ:
ԵՊՀ պատմության ֆակուլտետի դեկանը պատասխանեց. «Եկենք չմոռանանք, որ մեր երկրի նախագահն էլ Արցախյան ազատամարտում իրեն լավ է դրսեւորել: Այսօր այդպիսի քաղաքական գործիչները հազվագյուտ են: Առաջին հանրապետության գրեթե բոլոր ղեկավարները նվիրյալներ էին, նույնիսկ իրենց որդիներին էին ուղարկում ռազմաճակատ: Այսօր ո՞ր մի օլիգարխի որդին է գնում բանակ»:
Աշոտ ԱԹԱՅԱՆ
