«Նոր ժամանակներ» կուսակցության նախագահ Արամ Կարապետյանի համոզմամբ, եվրաինտեգրո՞ւմ, թե՞ եվրասիական միությունն ընտրելու հարցում Սերժ Սարգսյանը հաշվի է առնելու, թե որտեղ են շատ փող տալու:
«Սերժ Սարգսյանը գնալու է այնտեղ որտեղ փող են տալու: Եթե Եվրոպան այսօր ասի 2 միլիարդ տալիս եմ, ուրեմն Սերժ Սարգսյանին իր թիմով տեսնելու եք այնտեղ: Իմ ունեցած տեղեկություններով, տեղ չի հասնելու, փողն էլ չեն տալու: Դրա համար Ռուսաստանը հիմա գազը կթանկացնի, հետեւից միգրանտների խնդիրը կծագի, հետո արտաքին անձնագրերը կմտցվեն, հետո վիզաներով կսկսի կանչել, տրանսֆերտները կկրճատվեն ու մի ահավոր ձեւով: Այսինքն, քայլեր կանի, որոնցով կփորձի իր ներկայությունը, ով ուզում է դրանից ազատվել, շատ ցավոտ դարձնի »,- այսօր «Դեբատ» ակումբում ասաց պարոն Կարապետյանը:
Պարոն Կարապետյանի խոսքերով, Հայաստանին ասվել է. «Ռուսաստանի հետ ձեր համար հարցեր չենք կարող այլեւս լուծել, գնացեք, լեզու գտեք: Կտեսնեք, հակառուսական հիստերիան կպակասի, Սերժ Սարգսյանը կփորձի լեզու գտնել: Թե ինչ է դրա տեղը տալու, ինչ է առնելու չգիտեմ, որովհետեւ սաղ էնպես է խառնել, որ չեմ կարող ասել»:
Արփինե ՍԻՄՈՆՅԱՆ
Կարդացեք նաև
Կիսագրագետ մարդկանց կողմից երկիր կառավարելու արդյունքն էլ՝ այս պետք է լիներ: Որ կողմից
նայում ես՝ անհաջողություն: