Ավան եւ Նոր Նորք վարչական շրջանների ընդհանուր իրավասության դատարանում, Դավիթ Հարությունյանի նախագահությամբ այսօր շարունակվեց «Հարսնաքար» ռեստորանային համալիրում անցյալ տարվա հունիսին բռնարարքի ենթարկված Վահե Ավետյանի եւ նրա ընկերների գործով հերթական դատական նիստը: Դատարան էր ներկայացել ռազմական բժիշկ Վահե Ավետյանի ծանոթուհին, որը ռուսերենով հաստատեց, որ ունի բարձրագույն կրթություն, ամուսնալուծված է, աշխատում է գեղեցկության սրահում, դատված չի եղել: Ինչպես տեղեկացրեց նախագահող դատավոր Դավիթ Հարությունյանը, նախաքննության ընթացքում նա հայտնել էր, որ տիրապետում է բանավոր հայերենին, չի տիրապետում գրավորին: Դատավորն անհասկանալի համարեց այն, որ տեւականորեն նա բնակվում է Հայաստանում, սակայն չի տիրապետում մայրենիին: Դատարանը 10 րոպե ընդմիջում է հայտարարել՝ ականատես վկային թարգմանով ապահովելու համար:
Մանրամասները՝ քիչ հետո:
Ռուզան ՄԻՆԱՍՅԱՆ
