Ինչպե՞ս եք վերաբերվում բարձրաստիճան որոշ պաշտոնյաների ունեցվածքին, մասնավորապես, վերջին ժամանակներում ՊԵԿ-ի նախագահի ունեցվածքի վերաբերյալ դիմեցին էթիկայի հանձնաժողով, Տարոն Մարգարյանի ունեցվածքի վերաբերյալ՝ դատախազություն: Ըստ Ձեզ, նորմա՞լ է, որ պետական պաշտոնյան այդքան մեծ ունեցվածք կարող է ունենալ, երբ աղքատության այդքան բարձր ցուցանիշ կա երկրում: Այսօր լրագրողների հետ ճեպազրույցում այս հարցին վարչապետ Տիգրան Սարգսյանը պատասխանեց. «Առաջին հերթին, եկեք մի հատ ֆունդամենտալ փոփոխությունը արձանագրենք ձեզ հետ միասին: Դա այն է, որ մենք սկսել ենք հրապարակել 500 բարձրաստիճան պաշտոնատար անձանց եկամուտները: Հայտարարագրերի ձեւով ներկայացնում ենք ձեր դատին, եւ այստեղ տեղի է ունեցել հեղափոխական փոփոխություն: Դուք այսօր հնարավորություն ունեք քննարկելու վարչապետի ծախսերը, եկամուտները, ինչ ունեցվածք նա ունի: Դա չափազանց կարեւոր բան է, եւ դուք կհասկանաք դա: Ասում եք ոչինչ չի տալիս, ես ասում եմ՝ շատ մեծ բան է տալիս, որովհետեւ, եթե տարիներ առաջ մենք սկսեցինք հրապարակել բոլոր խոշոր հարկատուների վճարված հարկերը, դուք տեսաք, թե ինչ ահռելի բան տվեց դա: Իրականում դա շատ մեծ բան է տալիս, ձեզ հնարավորություն է տալիս վերահսկել պետական անձանց: Սա է այն կարեւոր փոփոխությունը, որ տեղի է ունեցել: Կամաց-կամաց այս մեխանիզմների ներդրման միջոցով դուք կստանաք ձեզ հուզող բոլոր պատասխանները: Միանգամից դա տեղի չի կարող ունենալ: Բայց դուք տեսնում եք, որ մենք ստեղծում ենք մեխանիզմներ, որպեսզի սահմանադրության այն նորմը, որ պետական պաշտոնյաները չպետք է զբաղվեն բիզնեսով, այդ նորմի իրականացման համար ստեղծում ենք մեխանիզմներ: Ես ուրախ եմ, որ դուք այսօր հնարավորություն ունեք անուն առ անուն քննարկել բոլորին՝ ով ինչ եկամուտ է ստանում, նրանք էլ բացատրություններ են տալիս»:
Խոսելով իր անձնական միջոցների մասին՝ վարչապետը վստահեցրեց, որ դրանք կտրուկ չեն աճել .«Աճել են այնքանով, որքանով բանկային տոկոսադրույքով ավանդները եկամուտներ են բերել»:
Հռիփսիմե ՋԵԲԵՋՅԱՆ
Գող, ավազակ, անպետք շներ:
Միշտ էլ էդպես է եղել ոմանք Գիքոր են դառել, ոմանէ Մարկոս աղա Ալիմյան:
Հանճարեղ է ասված Նազարի մոտ «թագավոր դառան պրծան, էլ ինչ եք ուզում»:
Մեխանիզմներ են ստեղծում: Ցավոք արանքում կորչում է երկիրը: Ի վերջ կլինեն այդ մեխանիզմները, բայց չի լինի Հայաստան աշխարհը: