Այսօր «Հայացք» ակումբում ՀՀ ԳԱԱ արեւելագիտության ինստիտուտի գիտաշխատող, պ.գ.թ. դոցենտ Գոհար Իսկանդարյանն ասաց, որ Իրանում կայանալիք նախագահական ընտրություններից հետո հայ-իրանական հարաբերությունները փոփոխություն չեն կրի, անկախ այն բանից, թե ութ թեկնածուներից ով կդառնա Իրանի նախագահ:
«Իրանում ամեն անգամ հատկապես բարեփոխիչները, երբ իրենց թեկնածուները չեն հաղթում, բոյկոտի կոչ են անում: Եթե ժողովրդի մի մասը հիասթափություն է ցուցաբերում, հոգեւոր առաջնորդի կոչով լուրջ զանգված գնում է ընտրությունների»,- ասաց Իսկանդարյանը:
Անդրադառնալով Իրանի նախագահական ընտրություններում միջազգային դիտորդների առկայությանը՝ ասաց, որ նրանք միջազգային դիտորդներին այլ կերպ են ընկալում. «Նրանք իրենց գերտերության կարգավիճակում են համարում ու թույլ չեն տալիս՝ երրորդ կամ չորրորդ պետության ներկայացուցիչները հետեւեն իրենց ընտրություններին»:
Եվա ՀԱԿՈԲՅԱՆ
