Հունիսի 14-ին Իրանում տեղի կունենան նախագահական ընտրություններ
Այսօր ՀՀ ԳԱԱ արեւելագիտության ինստիտուտի գիտաշխատող, պ.գ.թ. դոցենտ Գոհար Իսկանդարյանը «Հայացք» ակումբում խոսելով Իրանի նախագահական ընտրությունների մասին, նշեց, որ 2013 թվի հունիսի 14-ին կլինի Իրանի նախագահի ընտրություն. «Կա ութ թեկնածու, իսկ հայտ ներկայացրել էին շուրջ 700 հոգի»:
Մեկնաբանելով թեկնածուներին, նշեց, որ կա միասնական հանդես եկող եռյակ, տրամաբանությունն այն է, որ ով լինի նախագահ, մյուս երկուսը լինեն խորհրդականներ:
Իսկանդարյանը հավելեց, որ թեկնածուների նախնական ցանկում ի սկզբանե կանայք էլ են հայտ ներկայացրել, բայց նրանք բացառեցին կանանց ներգրավվածությունն ու այդ կերպ ապացուցեցին, որ ընտրություններն ազատ չեն, քանի որ կանայք չեն կարող թեկնածուների շարքում լինել:
Կարդացեք նաև
«Բոլոր թեկնածուներն ունեն գիտությունների դոկտորի կոչում, աշխատում են համալսարաններում, քաղաքական դաշտում ունեցել են լուրջ քաղաքական անցյալ, կարելի է ասել, որ այնտեղ պատահական մարդ չկա»,- ասաց Իսկանդարյանը՝ հավելելով, որ Իրանը փակ համակարգ է, հետեւաբար դժվար է ասել, թե թեկնածուներից ով ավելի մեծ շանսեր ունի հաղթելու, բայց նա կարծում է, որ ամենից շատ շանսերը Վելայաթին ունի:
Եվա ՀԱԿՈԲՅԱՆ
