Տավուշի մարզի Հաղարծին գյուղի բնակիչներ Արամայիս Աղաջանյանը, Մարգո Աղաջանյանը, Թեղուտ գյուղի բնակիչներ Սեյրան Աղաջանյանը, Կարինե Կոխլիկյանը քաղաքացիների պատիվն ու արժանապատվությունը արատավորող տեղեկությունները հերքելու պարտավորեցնելու պահանջով, ընդդեմ Թեղուտ գյուղի բնակչուհի Սոնա Պետրոսյանի եւ «ATV» հեռուստաընկերության, 2013թ. մարտի 12-ին հայց են ներկայացրել Տավուշի մարզի առաջին ատյանի դատարան:
Հայցվորները հայցադիմումի մեջ հայտնել են. «Սոնա Պետրոսյանը «ATV» հեռուստաընկերութան «Կիսաբաց պատուհաններ» հաղորդաշարով անհիմն հերյուրանքներ տարածելով՝ իրենց խայտառակել է հանրության առաջ»:
Մարտի 14-ին Տավուշի մարզի առաջին ատյանի դատարանի դատավոր Աշոտ Խաչիկյանը ուսումնասիրելով ներկայացված հայցադիմումը եւ կից փաստաթղթերը, որոշել է, որ դրանք ենթակա են վերադարձման, քանի որ հայցադիմումի մեջ չեն նշվել այն հանգամանքները, որոնց վրա հիմնվում են հայցապահանջները, ինչպես նաեւ՝ հայցապահանջները հաստատող ապացույցները: Դատավորն իր որոշման մեջ նշել է, որ հայցադիմումը վերադարձնելն արգելք չէ դրա մեջ առկա թերություններն ու խախտումները վերացնելուց հետո կրկին դատարան դիմելու:
Հայցվորները մարտի 22-ին կրկին հայց են ներկայացրել դատարան: Սույն գործով դատական երկրորդ նիստը Տավուշի մարզի առաջին ատյանի դատարանի Դիլիջանի նստավայրում նշանակված է վաղը՝ մայիսի 23-ին:
Կարդացեք նաև
Ոսկան ՍԱՐԳՍՅԱՆ
