Կոնկորդի ոստիկան Սիլվիա Թումայանը 1999թ. կարողացավ շուն վարժեցնելու իր կիրքը համատեղել քաղաքացիներին օգնելու իր պարտականությունների հետ: Գրում է «Արմենիա միրոր-սփեքթաթոր» թերթը:
Թումայանը միշտ երազում էր Կոնկորդում առաջինը սկսել K-9 ծրագիրը (ոստիկանական շներ). «Ես միշտ K-9 ոստիկան լինելու մեծ ձգտում եմ ունեցել», ասում է նա:
Վարժեցնելով առաջին K-9-ը շանը՝ Թումայանը ինքնուրույն հիմնադրեց ծրագիրը, իսկ շան անունը դրեց Պատիվ:
Մինչև 2007թ., երբ հիվանդությունից սատկեց Պատիվը, այն մեծ դեր է խաղացել ավելի քան 34 հետախուզման մեջ գտնվող կամ անհայտ կորած անձանց հայտնաբերելու գործում, ինչպես նաև թմրանյութերի առգրավվման ավելի քան 40 աշխատանքներում:
Կարդացեք նաև
Պատիվի պատվին հուշարձան է կանգնեցվել, որի վրա գրված է «Ընկեր, գործընկեր, հասարակական գործիչ և ընտանիքի անդամ»:
Պատիվը փոխարինվել է Շարիկով, որին նույնպես վարժեցրել է Թումայանը: Երկու շներին էլ նա սովորեցրել է արձագանքել հայերեն , գերմաներեն և անգլերեն հրամաններին:
«Ես հպարտ եմ, որ հայ եմ», – ասում է Թումայանը՝ ավելացնելով, որ նրան շատ է դուր գալիս, որ Շարիկը նույնպես հասկանում է հայերեն:
Պատրաստեց Հովհաննես ԻՇԽԱՆՅԱՆԸ
