Չինաստանը Ադրբեջանի զինված ուժերին անհատույց ռազմական օգնություն կտրամադրի:
Ինչպես հաղորդում է APA լրատվական գործակալությունը, այս տարվա հունվարին երկու երկրների պաշտպանության նախարարությունների միջեւ ստորագրված համաձայնագրի հիման վրա չինական կողմը ադրբեջանական զինված ուժերին հատկացնելու է 3 միլիոն յուանի (490 հազար դոլար) օգնություն, որի կոնկրետ տեսակները հաստատվելու են կողմերի միջեւ լրացուցիչ ստորագրվելիք արձանագրություններում:
Ադրբեջանական լրատվամիջոցը նշում է նաեւ, որ 2011 թվականին ստորագրված միջպետական արձանագրության շրջանակներում Չինաստանի պաշտպանության նախարարությունը Ադրբեջանի զինված ուժերին հատկացրել է 6 միլիոն յուանի անհատույց ռազմական օգնություն:
«Ազատություն» ռադիոկայան
