Երեկ ՀՀ Ազգային վիճակագրական ծառայությունը հրապարակել է այս տարվա առաջին 4 ամիսներին Հայաստանում արձանագրված մակրոտնտեսական հիմնական նախնական ցուցանիշները։ Ըստ այդմ, այս տարվա ապրիլին տնտեսական ակտիվության ցուցանիշը (ՏԱՑ) անցած տարվա նույն ամսվա համեմատ աճել է ընդամենը 3.9 տոկոսով։ Սա ամենացածր ցուցանիշն է այս տարվա նախորդ ամիսների համեմատ։ Ընդ որում, ՏԱՑ-ի աճի տեմպը 2-2.5 անգամ ավելի ցածր է, քան հունվար, մարտ, փետրվար ամիսներին։ Ու ընդհանրապես, որքան էլ անվստահելի ու ուռճացված լինեն մեր պաշտոնական վիճակագրական ցուցանիշները, երեկ հրապարակվածներից ակնհայտ է դառնում, որ վիճակը լավ չէ։
Ամենաուշագրավն այն է, որ չնայած անցած տարվա ապրիլի համեմատ աշխատավարձերը աճել են 2.5 տոկոսով, սպառողական գները, ըստ պաշտոնական վիճակագրության, բարձրացել են 3.9 տոկոսով։ Այլ կերպ ասած, նույնիսկ պաշտոնական վիճակագրության համաձայն աշխատավարձ ստացող ՀՀ բնակչության գնողունակությունը նվազել է մոտ 1.5 տոկոսով։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
