Հայաստանի քաղաքացին ոչ թանկարժեք քարերը փորձել է անցկացնել թանկի տեղ, հայտնել են դատախազության մամուլի ծառայությունից: Գրում է «Յուժնի ռեգիոն» լրատվականը:
Նրա նկատամամբ քրեական գործ է հարուցվել եւ ուղարկվել դատարան: Իբր թանկարժեք քարերը նա փորձել է վաճառել Ռոստովի բնակչին՝ 8 միլիոն ռուբլով: Ռոստովի տրանսպորտային դատախազությունը հաստատել է Սամվել Գուլքանյանի նկատմամբ մեղադրական եզրակացությունը: Նա մեղադրվում է խարդախության փորձ անելու հոդվածով:
«Հաստատվել է, որ 2012թ. Գուլկանյանը Հայաստանից Ռոստով է բերել ոչ թանկարժեք քարեր: Ռոստովի բնակչին դրանք որպես թանկարժեք քարեր 8 000 000 ռուբլով վաճառելու փորձի ժամանակ, նրան ձերբակալել են իրավապահ մարմինների աշխատակիցները: Քրեական գործը դատաքննության համար ուղարկվել է Ռոստովի Ժելեզնոդորոժնիի շրջանային դատարան», – ասել են մամուլի ծառայությունից:
Կարդացեք նաև
Պատրաստեց Հովհաննես ԻՇԽԱՆՅԱՆԸ
