Ռուսաստանը եւ Ադրբեջանը այսօր հայտարարել են, որ քննելու են հնարավոր խախտումները «Եվրատեսիլ – 2013» երգի մրցույթում ձայների հաշվարկի ժամանակ, որի արդյունքներով` Ադրբեջանը ոչ մի միավոր չէր տվել Ռուսաստանի ներկայացուցիչ Դինա Գարիպովային:
Մոսկվայում Ռուսաստանի արտգործնախարար Սերգեյ Լավրովի հետ համատեղ ասուլիսի ժամանակ Ադրբեջանի արտաքին քաղաքական գերատեսչության ղեկավար Էլմար Մամեդյարովը վստահեցրել է, որ իր երկրի բջջային կապի օպերատորների տվյալներով` Ռուսաստանը երկրորդ տեղն է գրավել ադրբեջանցի հեռուստադիտողների քվեարկության արդյունքում, հետեւաբար` պետք է ստանար 10 միավոր:
Լավրովը վրդովեցուցիչ է որակել տեղի ունեցածը` հավելելով, թե դա «անպատասխան չի մնա»:
Նախօրեին «Եվրատեսիլ»-ի հետ կապված այս միջադեպի քննության հրահանգ էր տվել Ադրբեջանի նախագահ Իլհամ Ալիեւը:
Կարդացեք նաև
Եվրոպական հեռարձակողների միությունից, մինչդեռ, բացառել են քվեների սխալ հաշվարկման հնարավորությունը:]
Արման Հովհաննիսյան
«Ազատություն» ռադիոկայան
