Ըստ ՀՅԴ պատգամավորի, Խաչիկյանն ընդամենը արդարություն է հաստատել
Այսօր ԱԺ-ում ՀՅԴ պատգամավոր Վահան Հովհաննիսյանը քննադատեց կառավարությանը, որ ոչ ոք իր սխալների համար քաղաքական պատասխանատվություն չի կրում. «Այո, հանցագործը պիտի նստի բանտում՝ հայտնի փաստ է: Հասկանալի է, որ եթե ինչ-որ ոստիկան մարդ է ծեծում, դուք նրան ձերբակալում եք, ասում եք՝ էլ ինչ անեք: Երբ ինչ-որ մի բարձրաստիճան պաշտոնյա սոցապնախարարի տեսքով թույլ է տալիս այն, ինչ երեկ նկարագրեցիք, նստեցնում եք բանտ, բայց խոսքը քաղաքական պատասխանատվության մասին է: Քաղաքական պատասխանատվություն Հայաստանում երբեք եւ ոչ մի անգամ ոչ ոք չի կրել: Չի կրել, որովհետեւ դուք ստեղծել եք անպատժելիության այս համակարգը: Խոսեցիք Խաչիկյանի մասին: Իսկ Խաչիկյանն ի՞նչ է արել: Խաչիկյանը փորձել է արդարություն հաստատել: Նա երեւի մտածել է էսպես՝ եթե այդ մարդիկ՝ մահացածներն ու արտագաղթածները, կարող են քվեարկել, ինչի՞ թոշակ չստանան»:
Մյուս պատգամավորները սկսեցին ծիծաղել ու ծափահարել:
Նա նշեց, որ երբ իշխանությունները տեսնում են, որ միջին դասը պետք է քվեարկի իր դեմ, նրանք գերադասում են, որ այդ միջին դասն արտագաղթի, եւ դա անթաքույց էլ ասում են՝ «Բա ինչ անեն, մնան, որ հեղափոխություն անե՞ն: Թող գնան»:
Կարդացեք նաև
Հռիփսիմե ՋԵԲԵՋՅԱՆ
Չար հումորի երկիր՝ Հայաստան: