Երկար ժամանակ է, ինչ հայերը, ադրբեջանցիները, քրդերը, հրեաները եւ վրացիները Թբիլիսիում իրար կողք կողքի են ապրում: «Եվրասիա նեթ» լրատվականում գրում է լրագրող Օնիկ Գրիգորյանը:
Փողոցներից մեկում հայերին պատկանող ադրբեջանական թեյատուն կա, մեկ այլ տեղ՝ ադրբեջնցիների ռեստորանում հայ աղջիկը մատուցող է աշխատում:
Վրաստանում հայերն ու ադրբեջանցիները սովոր են իրար կողք-կողքի ապրել, սակայն դա չի նշանակում, որ անհարմար իրավիճակներ չեն պատահում:
Վերջերս Հեյդար Ալիեւի արձանի հետեւում հայտնվել էր Հայաստանի դրոշը: Այն ծածանվում էր այդտեղ մինչեւ մայիսի 10-ը՝ ադրբեջանական ծաղիկների տոնի օրը, որը նվիրված է Հեյդար Ալիեւի տարեդարձին: Այդ օրը դրոշը անհետացել էր, մեկ օր անց կրկին հայտնվել:
Կարդացեք նաև
Դրոշի հայտնվելու, անհայտանալու ու կրկին հայտնվելու ճշգրիտ պատճառները չեն հաստատվել: Բաղնիքի ղեկավարությունը (Ալիեւի արձանը գտնվում է ադրբեջանական բաղնիքների տարածքում) հասանելի չէր մեկնաբանություն տալու համար. «Նրանք պարզապես ինչ-որ ձեւ տարբեր երկրների դրոշներ են ընտրել», – ասել է բաղնիքի աշխատակիցներից մեկը:
Թբիլիսիի Ադրբեջանի դեսպանատունը եւ Ադրբեջանի պետական նավթային ընկերության Վրաստանի գրասենյակը չեն պատասխանել դրոշի հետ կապված հարցումներին:
Իրավիճակին ծանոթ աղբյուրների պնդմամբ, Ադրբեջանի դեսպանը հայկական դրոշը հանելու համար անձամբ այցելել է բաղնիքների սեփականատերերին:
Ադրբեջանական հեռուստաալիքներից մեկը գնացել էր Հեյդար Ալիեւի այգի, որպեսզի նկարահանի կիսանդրին եւ վիրավորական դրոշը, սակայն ենթադրվում է, որ թույլ չեն տվել:
Երբ դրոշը կրկին հայտնվեց, ըստ աղբյուրների, Ադրբեջանի դեսպանը զայրացած եւս մեկ անգամ այցելել է բաղնիք:
Բաղինքի աշխատակիցը, որը հրաժարվել է անունը հրաապրակել՝ հերքել է, թե հայկական դոոշը որեւէ տարաձայնությունների առիթ է դարձել:
Պատրաստեց Հովհաննես ԻՇԽԱՆՅԱՆԸ
