«Ընտանիք կազմելու համար կարեւոր չէ, թե որ ամսին են ամուսնանում, կարեւորը` ճիշտ ընտրությունն է»,- այսօր «Զարկերակ» ակումբում ասաց հոգեբան Մարինե Մարտիրոսյանը:
Թե ինչու հայերը չեն ամուսնանում մայիսին, դա ըստ հոգեբանի` սոցիալական հիմքեր ունի, քանի որ ամենասուղ ամիսն է ու մարդիկ այդպիսի կարծրատիպ են ստեղծել՝ փոխարենն ամուսնանալով աշնանը ու այն համարելով երջանիկ ամուսնության շրջան:
«Էթնիկ կարծրատիպերից մեկն է, որ չեն ամուսնանում մայիսին, իսկ կարծրատիպերը դա այն օրենքներն են, որ ժողովուրդն է գրում: Ընտանիք կազմելու համար ամենակարեւորը` սերն է, իսկ կարծրատիպն էթնիկ նշանակություն ունի:
Սնահավատությունը դա բացասական էներգիայի մտքի ուժն է, եւ երբեմն մարդիկ ունենալով այդ բացասական դիրքորոշումը, այն իրենց կախվածության մեջ է գցում ու առաջացնում ամուսնալուծություն»,-ասաց հոգեբանը, հավելելով, որ եղել են իրավիճակներ, որ մարդիկ մինչ ամուսնությունը խորհրդատվության են եկել, բայց մայիս ամսվա հետ կապված դեպք չեն ունեցել:
Կարդացեք նաև
Եվա ՀԱԿՈԲՅԱՆ
