Այսօր Րաֆֆի Հովհաննիսյանի հավաքի մասնակիցներից էր նաեւ ՀԱԿ նախկին անդամ Հայաստանի պահպանողական կուսակցության կուսակցության նախագահ Միքայել Հայրապետյանը:
Նա հայտարարեց, որ ընդդիմադիր շարժման առաջնորդ լինելու իրավունքը սեփական քրտինքով վաստակել է Րաֆֆի Հովհաննիսյանը. «Ուրիշ բան, որ որոշ ժամանակ առաջ այլ անձինք էին վաստակել այդ իրավունքը: Դուք այստեղ ասում եք բարեւ, արտահայտություններ բավական գեղեցիկ, օրինակ ասենք՝ նոր Հայաստան, շատ շքեղ է: Առաջին անգամ այդ ձեւակերպումը որպես քաղաքական կատեգորիա ես հիշում եմ, որ ասվել է 1992-ին՝ դարձյալ ընդդիմադիր զանգվածի կողմից պաշտամունքի հասցված «Ղարաբաղ» կոմիտեի անդամ Դավիթ Վարդանյանի կողմից: Անցան տարիներ, եւ Դավիթ Վարդանյանը դարձավ սեփականաշնորհման նախարար եւ դուք նրան ավելի քիչ տեսաք, քան տեսաք խաղասրահների մեքենաները»:
Նա հիշեցրեց, որ այսօր իր ելույթում Հովսեփ Խուրշուդյանն օգտագործել է ադեկվատ բառը՝ ասելով, որ այս իշխանությունները ադեկվատ չեն երկրի իրավիճակին: Միքայել Հայրապետյանի խոսքերով՝«Այս իշխանությունները, ենթադրելի է, վատն են, քըխ են, մենք պուպուշ ենք: Տվեք այն երաշխիքը, տանք միասին այն երաշխիքը, որ մենք հերթական անգամ պարզապես չենք ուզում ստրկատիրոջը փոխել, ինքներս դառնալ ստրկատեր: Տալի՞ս ենք այդ երաշխիքը, թե՞ ոչ»:
Նա կոչ արեց «կուտ չուտել, ինչպես հավերին են կերակրում»:
Կարդացեք նաև
Միքայել Հայրապետյանը նաեւ խորին շնորհակալություն հայտնեց Զարուհի Փոստանջյանին եւ Արմեն Մարտիրոսյանին, ովքեր իրենց մարմնով կարողացան Մարտի 1-ին մարդու կյանք փրկել՝ իշխանությունների կողմից վարձված խուժանի ձեռքից եւ բանտերում իրենց այցելեցին:
Հռիփսիմե ՋԵԲԵՋՅԱՆ
