«Նման տեղեկություններ հաստատել կամ հերքելը վաղը, այսօրվա բան չէ»,- ԳԱԼԱ-ի լրագրողի հետ զրույցում ասել է ՀՀ պաշտպանության նախարարի մամլո խոսնակ Արծրուն Հովհաննիսյանը՝ պատասխանելով այն հարցին, թե հավաստի՞ են արդյոք մամուլում տեղ գտած այն հրապարակումները, թե աշխատանքից հեռացվել է ՀՀ ԶՈՒ ԳՇ պետ, գեներալ-գնդապետ Յուրի Խաչատուրովը:
Բացի այդ, ըստ Արծրուն Հովհաննիսյանի՝ ՊՆ-ում անլուրջ են համարում նման բաները մեկնաբանելը, քանի որ վերջինս նախարարի հրամանով չէր կարող պաշտոնանկ արվել:
Հավելենք, որ համացանցում տեղեկություն է հրապարակվել, համաձայն որի ՀՀ պաշտպանության նախարար Սեյրան Օհանյանը երեկվա միջադեպին լայն հնչեղություն չտալու և սպանված զինծառայող Լյուքս Ստեփանյանի հարազատների ցասումը մեղմացնելու համար որոշել է «ազատվել» Յուրի Խաչատուրովից:
Կարդացեք նաև
Հիշեցնենք, որ ՀՀ Սահմանադրության 55-րդ հոդվածի 12-րդ կետի համաձայն, ՀՀ նախագահը զինված ուժերի գերագույն գլխավոր հրամանատարն է, համակարգում է պետական մարմինների գործունեությունը պաշտպանության բնագավառում, նշանակում եւ ազատում է զինված ուժերի և այլ զորքերի բարձրագույն հրամանատարական կազմը.
