Այսօր ԿԸՀ արտահերթ նիստում քննարկվեց թիվ 9/05 ՏԸՀ անդամ Վարդգես Գասպարիի կողմից ներկայացված դիմում-բողոքը: Սահմանված կարգի համաձայն ԿԸՀ նախագահ Տիգրան Մուկուչյանը պետք է կարդար Գասպարիի ներկայացրած բողոքը, սակայն մի քանի հատված պարզապես չկարողացավ կարդալ: Նա համարեց, որ մի պարբերությունում մարմնի մասեր են նկարագրված, մեկ ուրիշ հատվածում էլ պարզապես էթիկայից դուրս բառեր են, որոնք ինքը չի կարող կրկնել:
Ուստի ողջ նիստի ընթացքում թափթփուկ, լկտի եւ նման բառեր արտաբերելուց առաջ Վարդգես Գասպարին հեգնանքով ներողություն էր խնդրում՝ «եվրոբառապաշարով ԿԸՀ-ին» ոչ հարիր բառերի համար:
Մինչ դիմումի քննարկմանն անցնելը ԿԸՀ նախագահը հարկ համարեց կարդալ Վարդգես Գասպարիի ներկայացուցիչ հանդիսացող ներկայացուցիչ Մարինա Եղիազարյանի դիմումը, որով վերջինս հրաժարվել է ներկայացնել Վարդգես Գասպարիին՝ ԿԸՀ-ում: Նրա դիմումի համաձայն՝ «Հայցում եմ ԿԸՀ-ի ներողամտությունը՝ Գասպարիի կողմից ԿԸՀ-ին ներկայացված ծայրահեղ բարոյազուրկ, էթիկայից զուրկ դիմում- բողոքի համար եւ խնդրում եմ դադարեցնել Գասպարիի ներկայացուցչի լիազորությունները, քանզի ես հրաժարվում եմ ներկայացնել պետականությունը, պետական մարմիններին եւ համամարդկային բարոյական նորմերը չհարգող անձի շահերը»: Մարինա Եղիազարյանը նշել է նաեւ, որ ինքը ՀԱԿ-ի դիմումների ներկայացուցիչ է, սակայն այս դեպքում չի ուզում լինել:
Կարդացեք նաև
Հռիփսիմե ՋԵԲԵՋՅԱՆ
