Նախախորհրդարանի անդամ, դիրիժոր Վարդան Հակոբյանի խոսքերով, «Գաղութացված Հայաստան ունենք, հայ ժողովուրդն այլեւս իր երկրի տերը չէ: Այսօր չենք դիմակայում գազի թանկացմանը, որի հետեւանքը ոչ միայն մեծացող արտագաղթն է լինելու, այլեւ երկրի կորուստը: Ստեղծում են պայմաններ, որի դեպքում հայը գոյություն չի կարող ունենալ: Եվ այս ամենն արվում է նրա համար, որ մեր թագավորները կոմֆորտ զգան»:
Նրա խոսքերով, պետք է գնահատել բացթողումները, որովհետեւ միայն բարի ցանկություններով երկիր չես կառուցի. «Մեզ պետք է նոր երկրի նոր նախագիծ»:
Նախախորհրդարանի համակարգող Գարեգին Չուգասզյանն էլ շարունակեց. «Հայաստանն այս էլ որերորդ անգամ ապացուցում է, որ իր քաղաքական վերնախավը պատրաստ չէ ժողովրդի հետ հետադարձ կապի մեջ մտնել եւ լսել ժողովրդի կամքը: Եթե դա տեղի չի ունենում, անհրաժեշտ է գտնել նոր ճանապարհ, չկան անհնար իրավիճակներ: Ընդդիմություն ասածը ժողովուրդն է: Քաղաքական համակարգի նորացման խնդիրը շարունակում է մնալ օրակարգում: Քաղաքական այն փակուղին, որի մասին նախախորհրդարանը զգուշացնում էր, այլեւս իրականություն է: Քաղաքական սնանկացման համակարգի հետ գործ ունենք: Երկիրը հայտնվել է մի փոսի մեջ, որտեղ որեւէ մի կուսակցություն հնարավորություն չունի հանել այդ փոսից»:
Նրա խոսքերով, քաղաքացիները պետք մասնակցեն քաղաքական կյանքին.«Դիմադրության օջախներ պետք է ստեղծենք ամբողջ երկրով մեկ: Այն քաղաքական փակուղին, որում հայտնվել ենք, մի կողմից ստեղծում է վտանգներ, մյուս կողմից՝ ապատիա ամբողջ ժողովրդի մեջ: Կա երրորդ ճանապարհը, որի մասին կխոսենք… Այսօր գործ ունենք ազգային ազատագրական նոր փուլի հետ»:
Կարդացեք նաև
Արփինե ՍԻՄՈՆՅԱՆ
