«Անկախ վերջին նախագահական ընտրության արդյունքից՝ Հայաստանում մթնոլորտը մի քիչ փոխվեց: Րաֆֆին կարողացավ ոչ միայն Երեւանում, նաեւ այլ փոքր քաղաքներում, գյուղական բնակավայրերում մարդկանց՝ իշխանության դեմ խոսելու տաբուն ջարդել՝ բարի, ոչ ագրեսիվ տոնայնությամբ ու հայտարարություններով: Այս իրավիճակում ընդդիմադիր ուժերի համար ավելի հեշտ կլինի աշխատել ժողովրդի հետ»,- «Առավոտի» հետ զրույցում ասաց ՀՀՇ նախաձեռնող խմբի անդամ Հովհաննես Իգիթյանը: Ըստ նրա՝ այդ ամենը ոչ այնքան իշխանության բարյացակամության արդյունքում եղավ, որքան իրավիճակի փոփոխության եւ սոցցանցերի զարգացման. «2008-ին մարդիկ ոչ միայն բանտերում էին, այլեւ մեկ ընդդիմադիր ելույթի համար աշխատանքից էին ազատվում: Հիմա դա մի քիչ մեղմացել է, եւ եթե այսպես շարունակվի, ժամանակն է, որ Հայաստանում իրավիճակը որակապես փոխվի»:
«Առավոտ» օրաթերթ
