Այսօր ԱԺ ՀՀԿ խմբակցության պատգամավոր Խոսրով Հարությունյանը «Սլաք» ակումբում անդրադառնալով ներքաղաքական զարգացումներին ասաց. «Կուսակցություններն այս շրջանում զբաղված էին քաղաքական արդյունքների վերլուծութամբ, իսկ առաջիկայում ականատես կլինենք որոշ վերադասավորումների` ընդդիմության հատվածում: Հնարավոր է լինեն միավորման դեպքեր»:
Մեկնաբանելով Գագիկ Ծառուկյանի հայտարարությունը՝ ԲՀԿ-ի ընդդիմություն չլինելու վերաբերյալ, Խոսրով Հարությունյանը նշեց, որ ընդդիմությունը հանրային գիտակցության մեջ այլ կերպար ունի, իսկ Գագիկ Ծառուկյանի թեզը, Նաիրա Զոհրաբյանի հայտարարությունը նշանակում է, որ իրենք ունենք հանրային կյանքի կազմակերպման սեփական մոտեցումները: Հարությունյանը համարում է, որ ԲՀԿ-ն իշխանության համար մրցակից է:
Դիտարկմանը՝ չե՞ք կարծում, որ սոցիալական բունտ է հասունանում, Հարությունյանը պատասխանեց, որ ոչ. «Դա ոչ թե իրողություն է, այլ շատերի ցանկությունը: Բայց իշխանության դիմաց մարտահրավերներ կան, իսկ առաջիկա տարիները բարենպաստ են արմատական փոփոխություն կատարելու համար»:
Խոսելով կառավարության ծրագրից, Հարությունյանն ասաց՝ ակնհայտ է, որ այն ուղղված է բարեփոխումներին, բայց արդյոք դա երեք կամ չորս տարում կբավարարի՞ հասարակությանը` դժվարացավ ասել, եւ հավելեց, որ անուամենայնիվ` «Ծրագիրն իրատեսական է»:
Կարդացեք նաև
Եվա ՀԱԿՈԲՅԱՆ
