Այսօր ընտանիքի միջազգային օրն է: Այն ընդունվել է քսան տարի առաջ ՄԱԿ-ի Գլխավոր ասամբլեայի կողմից, իսկ Հայաստանի Հանրապետության տոնացույցում ավելացել է 2011թ.-ի ԱԺ-ի որոշմամբ: Օրը նպատակ է հետապնդում` ամենուր ֆինանսական ու բարոյական աջակցություն ցուցաբերել աշխատողներին՝ դրանով իսկ նպաստելով ողջ հասարակության սոցիալ–տնտեսական զարգացմանը: Տոնի եւ ընտանիքի նշանակության մասին մի քանի հարց ուղղեցինք ՀՀ ԱԺ երիտասարդ պատգամավոր Վահե Էնֆիաջյանին:
1. Պարոն Էնֆիաջյան, ինչպես նկատեցի Ձեր ֆեյսբուքյան գրառումից, անդրադարձել և կարևորում եք ընտանիքի միջազգային օրը, ինչպիսի՞ն պետք է լինի ընտանիքը Ձեր պատկերացմամբ:
Բնականաբար, մշտապես կարևորում և անդրադառնում եմ թե’ այն տոներին, որոնք միայն նշում է մեր պետությունը, և թե’ միջազգային տոներին: Ընտանիքի միջազգային օրն ինձ համար ամենակարևոր տոներից է, քանի որ կարողացել եմ ստեղծել այնպիսի ընտանիք, որն ինձ միայն հպարտանալու առիթ է տալիս:
Կարդացեք նաև
2. Գիտեմ, որ ունեք 2 զավակ, հասցնում ե՞ք զբաղել նրանց դաստիարակությամբ:
Զբաղվածությանս պատճառով ցավոք չեմ կարողանում ընտանիքիս հետ շատ ժամանակ անցկացնել, հետևաբար, տղաներիս դաստիարակությամբ, մեծամասամբ, զբաղվում է կինս, ում մոտ ասեմ՝ դա շատ լավ է ստացվում:
3. Ի՞նչ նմանություն և տարբերություն կգտնեք Ձեր և մյուս ավանդական ընտանիքների միջև:
-Վերցնելով ավանդականի և ժամանակակիցի լավագույն կողմերը՝ մեր ընտանիքը ձևավորել է իր ավանդույթները, միևնույն ժամանակ յուրաքանչյուր ընտանիք տարբերվում է մյուսներից իր յուրահատկությամբ, տարիների ընթացքում ձևավորված այդ ընտանիքի անդամներին հարիր ավանդույթներով: Յուրաքանչյուր ընտանիք՝ յուրօրինակ տաճար է, որտեղ ամփոփվում են մեր մեջ առկա ամբողջ լավն ու բարին:
4. Ո՞րն է Ձեր ամուր ու երջանիկ ընտանիքի բանաձևը:
Բանաձև որպես այդպիսին կարծում եմ չկա, կամ կարելի է ասել` հարգանք+վստահություն+ սեր=ամուր ընտանիք (պատասխանում է ժպիտով Վ. Է.):
5. Ի՞նչ խորհուրդ կտաք այն երիտասարդներին, ովքեր դեռ չեն կառուցել իրենց ընտանիքը:
Պատասխանեմ կարճ և դիպուկ` առանց երեխաների և կնոջ ապրած օրն անիմաստ է:
Երանուհի Կաթունյան
