«Ազատություն» ռադիոկայան. Թուրքիայի գերագույն դատարանը այսօր բեկանել է Ստամբուլի «Ակոս» թերթի խմբագրապետ Հրանտ Դինքի սպանության գործով ստորին ատյանի կայացրած դատավճիռները այն մասով, ըստ որի` ամբաստանյալները կապ չեն ունեցել հանցավոր կազմակերպության հետ:
Hurriyet Daily News-ի փոխանցմամբ` գերագույն ատյանի վճռում ասված է, որ սպանությունը կատարվել է զինված հանցախմբի կողմից:
Միաժամանակ, գերագույն դատարանը հաստատել է այդ գործով մեղադրվողների նկատմամբ ստորին ատյանի կողմից սահմանված պատժաչափերը:
Թուրքական պարբերականը հայտնում է, որ Դինքի սպանության գործով դատապարտյալները վերստին կկանգնեն Ստամբուլի այն դատարանի առջեւ, որը արձակել է սկզբնական դատավճիռները:
Կարդացեք նաև
2007 թվականի հունվարին Հրանտ Դինքին «Ակոս»-ի խմբագրատան մոտ սպանած ազգայնական Օգյուն Սամասթը, որի 18 տարին հանցագործության ժամանակ լրացած չէր, 2011 թվականի հուլիսինդատապարտվել է 22 տարի 10 ամսվա ազատազրկման: Սպանությունը պատվիրելու համար մեղադրվող Յասին Հայալը դատապարտվել էցմահ, իսկ Սամասթին սպանության դրդելու համար մեղադրվող Էրհան Թունջելը` 10.5 տարվա ազատազրկման:
