Պաշտոնական այցով ՀՀ է ժամանել Բելառուսի Հանրապետության նախագահ Ալեքսանդր Լուկաշենկոն: Նրան հաճախ «Եվրոպայի վերջին դիկտատոր» են կոչում: Այսօր ՀՀ նախագահ Սերժ Սարգսյանն ու Ալեքսանդր Լուկաշենկոն մասնակցում են Կոտայքի թեմի Աբովյան քաղաքի Սբ Հովհաննես Մկրտիչ նորակառույց եկեղեցու օծման արարողությանը:
Aravot.am-ի հետ զրույցում «Ֆորում իրավունքի կենտրոնի» նախագահ Տիգրան Տեր-Եսայանը մեզ հորդորեց Լուկաշենկոյից հետաքրքրվել` ե՞րբ է կամենում Բելառուսի ազատ խոսքի համար կալանավորված մարդկանց ազատել, բայց նաև հեգնանքով նշեց, թե եկեղեցուց դուրս գալուց հետո կհարցնեք:
Հետո էլ ասաց. «Նախկինում բռնապետներն ու միապետները ավելի թափանցիկ էին: Իրենք ասում էին իրենց քաղաքականության մասին, բայց եկեղեցի չէին գնում: Հիմա և՛ բռնապետ են, և՛ հավատքով, և՛ օրենքով, և՛ մարդու իրավունքների պաշտպան: Ամեն ինչ դրանից է գալիս»:
Տաթև ՀԱՐՈՒԹՅՈՒՆՅԱՆ
Տար աստված,որ մենք էլ, ունենայինք ,,Բատկո,,-ի նման գրագետ ու պատրաստված նախագահ ու թող նա մի քիչ էլ ,,բռնապետ,, լիներ,սակայն Բատկոյի նման՝ չգողանար ու նրա նման մտածեր իր ժողովրդի մասին: Բելառուսում բնակչության ճնշող մեծամասնությունը անկեղծորեն սիրում է նրան:Հետաքրքիր է,բռնապետ ասելով,ով ինչ է հասկանում?:Բռնապետ է նա,ով իր երկրում մի քանի քաղբանտարկյալներ ունի?,թե նա,ով պլանավորված կերպով արտագաղթ է խթանում,իսկ մնացածներին պահում է նվաստացուցիչ պայմաններում:Իսկ եվրոպացիների համար նա իհարկե բռնապետ է,այն էլ ինչպիսի,քանի որ երկիրն ինքնուրույն է ու անկախ և նրանց դուդուկի տակ չի պարում: