«Բելգիացի բժիշկը զարմացել էր, երբ իմացել էր, որ կրակել են Պարույր Հայրիկյանի վրա, մահափորձ արել»,- այսօր «Վարկած» ակումբում հայտարարեց Պարույր Հայրիկյանի ներկայացուցիչ Կարո Եղնուկյանը:
Նրա ձեւակերպմամբ, Սեդրակյանի փաստաբան Սիրունյանի երեկվա ասածներն անտրամաբանական են: Եղնուկյանը զարմանք հայտնեց, ասելով, որ երկու ցուցմունք է եղել նույնիսկ առերեսում`Սեդրակյանի եւ այդ երկուսի միջեւ. «Հայրիկյանի մահափորձից երեք օր առաջ նույնիսկ Սեդրակյանը նրանց ասել է՝ արագացրեք: Տվյալներ կան, որ այս երկուսը մեկ ամսից ավելի հետեւել են Հայրիկյանին»:
Եղնուկյանի խոսքով` Սեդրակյանը վերջին մի քանի տարում երեք միլիոն դոլար ղումար է խաղացել. նա հարցնում է՝ իսկ որտեղի՞ց նրան այդ գումարները. «Երբ մարդուն վերբովկա են անում, նրան հեշտ է կառավարել: Իսկ երբ որպես քննիչ տեսնում եք, որ մարդը երեք միլիոն դոլար ղումար է խաղացել՝ պարտքի տակից դուրս գալու համար նա ամեն ինչ կանի… Իհարկե, սա վարկած է»:
Եղնուկյանը նշեց, որ երբ Հայրիկյանն ասել էր, թե իր վրա կրակողները սլավոնական արտաքինով են եղել, նա դա միտումնավոր է արել, քննիչի հետ համաձայնեցնելուց հետո, որպեսզի հանցագործներն իրենց ապահով զգան:
Կարդացեք նաև
Եղնուկյանը գտնում է, որ Սեդրակյանն երկար շղթայի երրորդ օղակն է, առաջինը` կրակողներն են…
«Սեդրակյանը ցուցմունք չի տալիս, դա արտառոց դեպք է, նա չի պարզաբանում կատարվածը: Անբարոյական է, երբ իր փաստաբանն ասում է, թե ինչ ցուցմունք…»,- զարմանում է Եղնուկյանը, որի խոսքով՝ Հայրիկյանի հանդեպ կատարվածը սպանության փորձ էր, որի հետեւանքով նոր ընտրություններ կլինեին, իսկ դա ձեռնտու էր եւ ներսին, եւ դրսին, իսկ նախագահական ընտրություններում ՀԱԿ-ը, ՀՅԴ-ն ԲՀԿ-ն թեկնածու չունեին… Իսկ իշխանությանը, այսինքն Սերժ Սարգսյանին, Եղնուկյանի համոզմամբ, Հայրիկյանին սպանելը ձեռնտու չէր…
Եվա ՀԱԿՈԲՅԱՆ
