Aravot.am-ը այսօր ՀՀԿ փոխնախագահ Գալուստ Սահակյանից հետաքրքրվեց, թե իրենք ընդունելո՞ւ են Րաֆֆի Հովհաննիսյանի հրավերը՝ մայիսի 19-ին «Անի» հյուրանոցում քննարկելու եւ մեր երկրի արտագաղթի, խնդիրների համար մի ելք գտնելու: Նա պատասխանեց. «Րաֆֆի Հովհաննիսյանի հրավերն ուշացած էր: Ուշացած հրավեր էր: Շուտ մենք էինք կանչում, որ անեինք՝ չեկավ: Մեր երկրում հիմա իրավիճակը շատ հանգիստ է, եւ հասարակությունը հեռացել է Րաֆֆիից: Հասարակական երեւույթ չէ»:
Մեր դիտարկմանը՝ բայց խնդիրները չեն լուծվել, չէ՞՝ նա պատասխանեց. «Խնդիրները Րաֆֆին չի լուծելու: Խնդիրները լուծելու են գործող իշխանությունները եւ արդեն կառավարության ծրագիրը կա»:
Հռիփսիմե ՋԵԲԵՋՅԱՆ
