Ինչպես արդեն տեղեկացրել էինք, քաղաքական ակտիվիստ Վարդգես Գասպարին դիմել էր Կենտրոն եւ Նորք-Մարաշ վարչական շրջանների ընդհանուր իրավասության դատարան՝ պահանջելով ՀՀ ոստիկանությունից եւ ֆինանսների նախարարությունից 850 հազար դրամ գումար: Նա դատարանին հայտնել էր, որ հանդիսանում է «ՎԱԼ Օթոմեյշըն» ՍՊԸ նախագահ եւ որ ՀՀ ոստիկանության կողմից վարչական վարույթ է հարուցվել իր դեմ՝ կապված հերթական քաղաքական ակցիայի հետ, սակայն մեկուկես տարի ինքը ստիպված գտնվել է դատական քաշքշուկների մեջ եւ այդ ընթացքում կորցրել ՍՊԸ գործունեությունից սպասվող եկամուտները: Գասպարին նաեւ հայտնել էր, որ հետագայում ոստիկանությունը հրաժարվել է իր հայցապահանջից:
Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Էդիկ Ավետիսյանը քիչ առաջ դուրս գալով խորհրդակցական սենյակից, հրապարակեց Գասպարիի հայցը մերժելու մասին վճիռը:
