Այսօր «Ելակետ» ակումբում տարածաշրջանային զարգացումներին անդրադարձավ «Նորավանք» գիտակրթական հիմնադրամի տնօրեն Գագիկ Հարությունյանը:
Շատ է խոսվում սիրիական իրադարձությունների մասին, եւ այս պարագայում գործ ունենք պատերազմական իրավիճակի հետ:
«Ասադին աջակցում են այլ երկրներ, Ռուսաստանը, Չինաստանը եւ առաջին հերթին՝ Իրանը: Չի հաջողվում տապալել Ասադի վարչախումբը, նա բավական կենսունակ է, բայց մյուս կողմից՝ նա չի կարողանում վերջնական հաղթանակի հասնել: Սիրիայի շուրջ ձեւավորվել է ճգնաժամային իրավիճակ»,- նշեց Հարությունյանը, որի մեկնաբանմամբ` բեկումային վիճակը չի բացառում, որ կոնֆլիկտը կկարգավորվի:
Հարությունյանը համարում է, որ Սիրիայի պարագայում երկրորդ սցենար էլ կա` դա շարունակական պատերազմն է, սակայն սա ֆանտաստիկ ժանրից է:
Կարդացեք նաև
«Իրավիճակը կարող է շրջադարձային լինել տարածաշրջանի համար, բացի այդ, շուտով Իրանում ընտրություններ է լինելու, իսկ շատ բան կպայմանավորվի հենց սրանով»,- նշեց Հարությունյանը:
«Գնդակոծումներն Իրանի դեմ են, քանի որ այն համար մեկ թիրախն է, եւ դա չեն թաքցնում Իսրայելոմ, սա կատակ չէ, ու այլ մոտիվներ չկան: Թվում է, թե Միացյալ Նահանգների նման գերտերությանը չի հաջողվում տապալել Սիրիային, բայց վերջինն ունի լավ զինված բանակ: Մերձավոր Արեւելքում տեղի է ունենում ցեղասպանություն, այսինքն` հետաքրքիր ցեղասպանություն է, արաբները ոչնչացնում են հենց արաբներին: Մահմեդական աշխարհը քաոսիկ իրավիճակի բերելու խնդիր կա»,- հավելեց Հարությունյանը:
Եվա ՀԱԿՈԲՅԱՆ
