Նորվեգիայում ընթացող շախմատի «Norway Chess 2013» գերմրցաշարի մասնակիցները մեկօրյա հանգստից հետո Ստավանգերից տեղափոխվել են Բրյունե:
Չորրորդ տուրում Հայաստանի առաջատար գրոսմայստեր Լեւոն Արոնյանը սպիտակ խաղաքարերով 38-րդ քայլում պարտվեց առաջատար Սերգեյ Կարյակինին (Ռուսաստան): Պարտություն կրեց նաեւ աշխարհի գործող չեմպիոն Վիշվանաթան Անանդը, որը խաղում էր Հիկարու Նակամուրայի հետ: Մագնուս Կարլսեն-Պյոտր Սվիդլեր, Հաո Վանգ-Թեյմուր Ռաջաբով պարտիաներն ավարտվեցին ոչ-ոքի: Այս պահին շարունակվում է միայն Վեսելին Տոպալով-Ջոն Համմեր պարտիան:
Աշոտ ՀԱԿՈԲՅԱՆ
