Տղամարդկանց մրցաշարին մասնակցող երեք հայ շախմատիստները, ցավոք, անմասն են մեդալների համար պայքարին: Սակայն յոթերորդ տուրում հայկական ինտրիգ, այնուամենայնիվ եղավ. հանդիպեցին տակավին երիտասարդ, ՖԻԴԵ-ի վարպետ, մինչեւ 12 տարեկանների աշխարհի չեմպիոն Սամուել Սեվյանը եւ Հայաստանի լավագույն շախմատիստ Լեւոն Արոնյանի առաջին մարզիչ, գրոսմայստեր Մելիքսեթ Խաչիյանը:
Այդ պայքարում Սամուելը հաղթեց փորձառու վարպետին եւ վաստակած միավորներով՝ 3,0, հավասարվեց մյուս փորձառու հայ գրոսմայստերին՝ Վարուժան Հակոբյանին: Վարուժանը այսօր ուշ գիշեր մեկնարկող ութերորդ տուրից առաջ ընթանում է 15-րդ, Սամուելը՝ 19-րդ տեղում, իսկ Մելիքսեթ Խաչիյանը 2,0 միավորով նախավերջին հորիզոնականում է:
Աշոտ ՀԱԿՈԲՅԱՆ
