Սիրահարվածության դեպքում արտացոլվում է 13 նախանշան, որոնք թույլ են տալիս ենթադրել, որ Դուք սիրահարված եք: Պարզել է ԱՄՆ Ռութգերսի համալսարանի մարդաբան Հելեն Ֆիշերին իր անցկացրած հետազոտության արդյունքում: Ախտանիշներից առանձնացրել ենք հետևյալը.
1.Երբ մարդը սիրահարված է, նրան թվում է, թե իր սիրո օբյեկտը յուրահատուկ է:
Կարդացեք նաև
2.Սիրահարվածները հաճախ են ունենում կոտրված լինելու զգացողություն, որը գիտնականները համեմատում են թմրանյութի ազդեցության տակ գտնվելու հետ:
3.Սիրահարները ցանկանում են միասին հաղաթահարել բոլոր խնդիրները:
4. Առկա է միմյանց հետ հնարավորինս շատ ժամանակ անցկացնելու ցանկությունը:
5.Վստահություն, որ հանուն սիրելի մարդու կարելի է սարեր շուռ տալ:
6.Աշխատել բավարարել սիրելիի բոլոր ցանկությունները:
7.Անվստահությունն այն բանի նկատմամբ, որ դու միակն ես:
8. Այս դեպքում կարևոր է ոչ միայն սեքսը, այլև սիրո զգացմունքային կողմը:
9. Ինքնատիրապետումը կորցնելը:
«Ես ամեն անգամ սիրահարվելիս, կարևոր չէ, անպատասխա՞ն են զգացմունքներս, թե ոչ, հրճվում եմ, ինձ ամենաերջանիկը զգում: Միշտ այդ ժամանակ եմ սկսում երաժշտություն լսել ու ֆիլմեր դիտել: Ավելի ռոմանտիկ եմ դառնում»,-ասում է 21-ամյա Սոնան: Իսկ 24-ամյա Վահանը անկեղծանում է ՝ սիրահարվելիս ավելի շատ է սիրում մարդկանց. «Միշտ այդպես է. ավելի շատ եմ ուզում հասարակության մեջ դուրս գալ, ինչ-որ տեղեր գնալ ու շատ-շատ եմ տխրում, երբ նա կողքիս չի լինում ինձ համար շատ կարևոր պահերի»,-ասում է նա: Իսկ 25-ամյա Միլենան ամեն անգամ տարբեր երևույթներ է նկատում իր մոտ, երբ սիրահարված է. «Լինում է, երբ ինքնամփոփ եմ դառնում, չեմ ուզում ոչ մեկի տեսնել կամ նույնիսկ տանից դուրս գալ, լինում է նաև, որ պարզապես հասկանում եմ, որ ուզում եմ ապրեմ: Այդ ժամանակ ավելի շատ եմ զգում, քան մտածում»,-ասում է նա:
Նազենի Բաղադասարյան
