Արձանի բացումը դեռ չի կատարվել
Նախկինում գրել ենք, որ Իջեւանի քաղաքային զբոսայգում հաճախ անասուններ են արածում, ջարդվել են զբոսայգում տեղադրված շատ քանդակներ: Քաղաքային զբոսայգու տաղավարներում երբեմն հավաքվում են հարբեցողներ՝ միասին կոնծելու: Քաղաքային զբոսայգում տեղադրվել է Դոդոյի՝ Գուրգեն պապի արձանը: Դոդոն երկար տարիներ եղել է այգու պահակը եւ տարածքը զերծ է պահել անասունների մուտքից, այլ ոտնձգություններից: Նա արձանը կառուցվել է մասնավոր միջոցներով, իջեւանցի քանդակագործ Արմեն Դավթյանի կողմից: Առաջիկայում կկատարվի արձանի հանդիսավոր բացումը: Իջեւանցի բլոգեր Վահագն Թամրազյանը Ֆեյսբուքի «Ազատ Տավուշ» խմբում գրել է. « Հուսանք, որ Դոդոյի վերադարձը կփոխի մարդկանց վերաբերմունքը այգու քանդակների, այգու եւ ընդհանրապես քաղաքի հանդեպ»:
Ոսկան ՍԱՐԳՍՅԱՆ
