Կամ՝ Վարդաշենը՝ Արաբկիրում
Մայիսի 5-ին՝ Երեւանի ավագանու ընտրությունների օրը, մինչ ՀՀԿ-ն երեւանցի ընտրողներին խոստանում էր «Ավելի լավ Երեւան», ՀԱԿ–ն առաջարկում էր «Իշխանությունը քաղաքացուն» տալ, ՀՅԴ–ն էլ իր՝ «Երեւան, փոխիր Հայաստանը» կարգախոսով հույս էր հայտնում, որ հենց մայրաքաղաքից է փոխելու Հայաստանը, իսկ ՕԵԿ-ը վստահեցնում էր, որ «Մենք կարող ենք ավելին», Արաբկիր համայնքի շենքերից մեկի բակում հանդիպեցինք այս մայր ու աղջկան (տե՛ս լուսանկարը), որոնք բակի աղբարկղերից իրենց համար պետքական իրեր էին հանում։ Տարածքում ապրող արաբկիրցիները պատմեցին, որ նրանք արդեն ամիսներ շարունակ այս աղբարկղերից են օգտվում՝ փնտրելով հագուստ, կոշիկ, փոքր-ինչ թարմ պահպանված սննդի մնացորդներ:
Արաբկիր վարչական շրջանի շենքերից մեկի բակում հանդիպեցինք «Վարդաշեն» թաղամասը սպասարկող միկրոավտոբուս: Իր նախատեսված գծում լինելու եւ ուղեւորներին սպասարկելու փոխարեն այս երթուղայինը հայտնվել էր Արաբկիրում եւ ընտրողներ էր տեղափոխում ընտրական տեղամասեր:
Կարդացեք նաև
Ընտրությունների արդյունքներն ամփոփելուց հետո, չնայած թիվ 4/28 ընտրատեղամասում ձայների առավելությունը հօգուտ ՀՀԿ-ի էր, սակայն ընտրությունների օրվա ավարտին այս ընտրատեղամասում այսպիսի պատկեր էր. ընդդիմության վստահված անձինք կատակում էին՝ «Զոհված զինվորի գերեզման է հիշեցնում»:
ԼՈՒՍԻՆԵ ԲՈՒԴԱՂՅԱՆ
«Առավոտ» օրաթերթ
