Այսօր «Վարկած» ակումբում քաղաքագետ Արկադի Վարդանյանը, անդրադառնալով Րաֆֆի Հովհաննիսյանի շարժմանը, ասաց. «Այդ շարժման նկատմամբ իմ հիասթափությունը սկիզբ առավ ան ժամանակ, երբ Րաֆֆի Հովհաննիսյանը գնաց Գագիկ Ծառուկյանի հետ հանդիպման ու դա անարդյունք ավարտվեց: Ես Րաֆֆի Հովհաննիսյանի խորհրդատուներից չէի, մենք պարզապես հանդիպում, խոսում էինք, բայց նա իմ խորհուրդներից ոչ մեկը հաշվի չառավ ու գնաց այդ հանդիպմանը, իսկ ինձ համար վաղուց շատ պարզ էր, որ այս իշխանությունը ոչ մի փոփոխություն չէր ուզում անել: «Ժառանգությունը» ապրիլի իննից հետո զրոյացավ…»»:
Քաղաքագետը հավելեց, որ Րաֆֆի Հովհաննիսյանը որպես ընդդիմադիր առաջնորդ, ցավոք, չկայացավ՝ բոլորին պարզ ու հայտնի պատճառներով:
Aravot.am-ի հարցին ի պատասխան՝ Վարդանյանը, մեկնաբանելով կայացած Երեւանի ավագանու ընտրությունները, նշեց, որ մեզ մոտ գոյություն չունի ընտրություն` «Այդ արդյունքները նախապես ձեւավորվում են Բաղրամյան 26-ում: Ընտրությունների մասին խոսելն ավելորդ է, ես որեւէ գնահատական չեմ տալու, ինձ համար պարզ էր, որ Տարոն Մարգարյանը ջախջախիչ հաղթանակ է տանելու:
Մարդիկ հերթական անգամ համոզվեցին, որ ընտրությունները մեզանում ձեւական բնույթ են կրում»:
Կարդացեք նաև
Եվա ՀԱԿՈԲՅԱՆ
