Պերուի մայրաքաղաքում ընթացող ծանրամարտի աշխարհի մինչեւ 20 տարեկանների առաջնությունում Հայաստանի երեք ներկայացուցիչներից առաջինը պայքարի մեջ մտավ մինչեւ 58 կգ քաշային Իզաբելլա Յայլյանը:
Իզաբելլան պոկում վարժությունն սկսեց 83 կգ-ով ,որից հետո միայն երրորդ մոտեցմամբ հաղթահարեց 87 կիլոգրամը եւ արժանացավ փոքր բրոնզե մեդալի: Հրումում նա բարձրացրեց 103 եւ 107 կգիլոգրամները, սակայն ձախողվեց 110 կգ-ում, որը չորրորդ արդյունքն էր այդ մրցաձեւում: Երկամարտում Իզաբելլա Յայլյանը 194 կիլոգրամով բավարարվեց 4-րդ տեղով՝ ընդամենը մեկ կիլոգրամ զիջելով բրոնզե մեդալակիր դարձած վենեսուելացի մրցակցին:
Աշոտ ՀԱԿՈԲՅԱՆ
Լուսանկարում. Այս անհաջող մոտեցումից հետո Իզաբելլա Յայլյանը չդարձավ մրցանակակիր
