Հայ ձեւավորող Արամ Շարամբեյանը նախատեսում է «Made in Armenia» (պատրաստված է Հայաստանում) ապրանքանիշը հայտնի դարձնել ամբողջ աշխարհում, այս մասին ասվում է «Мир» հեռուստաընկերության պատրաստած հաղորդման մեջ:
Նա սկսել է սվիտերներ կարելով՝ արդյունքում պահպանում եւ տարածում է հայկական մշակույթը:
Շարամբեյանը 10 տարի առաջ հիմնել է «Շարան» ընկերությունը՝ հայ ազգային աշխատանքները աշխարհին ցույց տալու նպատակով:
Նրա արհեստանոցում պատրաստում են էթնիկ տարրերով մանկական հագուստներ, գործվածքե տիկնիկներ, գլխարկներ եւ հուշանվերային բարձեր:
Կարդացեք նաև
«Ազգային աշխատանքները, արհեստագործությունները, հատկապես Հայաստանում, ներդրումային արտադրանքի առումով ամենահեշտ բանն է: Այսինքն, անհրաժեշտ են միայն նյութերը եւ ձեռքերը», – ասել է Շարամբեյանը:
Պատրաստեց Հովհաննես ԻՇԽԱՆՅԱՆԸ
